8. சீனத்துத் தமிழ்ப் பாட்டு!!

யூடிய்புல ஏ.ஆர். ரகுமானைப் பற்றியப் படங்களைத் (தூயத் தமிழில் நிகழ்பட துண்டு) தேடிக்கிட்டு இருந்தேன். அப்ப ஒரு சைனா பாட்டு ஒன்னு கெடச்சிது. நம்மாலு சும்மா கும்முன்னு நம்மூரு ஸ்டைல்லக் குத்த, அத ஒரு சீனத்துப் பைங்கிளிப் பாட, சைனா மீச ஒன்னு வாளை வச்சிட்டு 'சதக் சதக்'னு ஆக்ட் கொடுத்துட்டு இருந்துச்சு.

ஏற்கனவே ரகுமானோட ரசிகனானதால அந்தப் பாட்டைத் திரும்ப திரும்பக் கேட்டுக்கிட்டே இருந்தேன். சரி, நமக்கு பாத்ரூம்ல பாடுறதுக்கு வசதியா இருக்குமேன்னு, மனப்பாடம் பண்ணிப் பார்த்தேன்.

"ம்ம்ஹூ", மண்டைல ஏறவே இல்ல. அப்பத்தான்

"தமிழன் என்று சொல்லடா!
தலை நிமிர்ந்து நில்லடா!".

யாரோ சொன்னது ஞாபகத்துக்கு வர, நாம ஏன் அந்த மெட்டுக்கு ஒரு தமிழ்ப் பாட்டு எழுதக் கூடாதுன்னு நெனச்சி ஒருப் பாட்டு ஒன்ன எழுதினேன். அந்தப் பாட்டு இப்போது உங்கள் பார்வைக்கு.

["அப்படியெல்லாம் சிரிக்கப் படாது"]

இந்தப் படத்துல் வர்றப் பாட்டை ஒரு பொண்ணு பாடியிருப்பாள். நான் எழுதுனப் பாட்டு ஒருப் பையன் பாடுற மாதிரி இருக்கும். அங்க இங்க கொஞ்சம் சுதி சேராம இருக்கும். நீங்கதான் கொஞ்சம் அட்ஜஸ்ட் பண்ணிக்கனும்.



நிலவின் முகமூடியோ?
மழையின் நிலச் சாரலோ?
நதியின் இசைப் பாடலோ?
பாலைவனத் தனலும் நீயோ?

[ஹம்மிங்]

வந்து வந்துப் போகிறாய்!
வந்தப் பின்னே மாய்கிறாய்!
எந்தன் கண்ணும் மாயம் கொண்டதோ?
உந்தன் பிம்பம் அழியா ஓவியம்!

சுவாசக் காற்றைத் திருடினாய்!
ஆக்ஷிஜனோடு நுழைகிறாய்!
நீயே எந்தன் மொத்தம் ஆகிறாய்...

பனியும் மழையும் ஓய்ந்தாலும்
நினைவில் மறைய மறுக்கிறாய்!
நீயெந்தன் உயிருக்கு உரமாகிறாய்...

கானல் நீராய் மறைந்தாலும்
கல்லறையில் கிடந்தாலும்
தட்டி தட்டி எழுப்பும் தேவதை...

உனை நீங்கிய நொடிகள் யாவுமே, பல யுகங்களே!
உன் பெயர் இல்லாச் சொற்களோ, பழிச் சொற்களே!
என் காதலே!

வந்து வந்துப் போகிறாய்!
வந்தப் பின்னே மாய்கிறாய்!
எந்தன் கண்ணும் மாயம் கொண்டதோ?
உந்தன் பிம்பம் அழியா ஓவியம்!

கோடைக் காலம் வந்தாலும்
பாலைவனமாய் இருந்தாலும்
சில்லென வீசுதே வாடைக் காற்றே...

கானல் நீராய் மறைந்தாலும்
கல்லறையில் கிடந்தாலும்
தட்டி தட்டி எழுப்பும் தேவதை...

உனைக் காணா கண்கள் இரண்டுமே, தூங்க மறுக்குதே!
உனைக் கண்ட அந்த நிமிடமே, ஊமை யானதே!
என் காதலே!

நிலவின் முகமூடியோ?

நிலவின் முகமூடியோ?
மழையின் நிலச் சாரலோ?
நதியின் இசைப் பாடலோ?
பாலைவனத் தனலும் நீயோ?

[ஹம்மிங்]

பி.கு: யாராவது பாடகர்கள் இருந்தீங்கன்னா, அப்டியே இந்தப் பாட்டை ரீ-மிக்ஸ் பண்ணிக் கொடுங்கப்பா :)