19. லொல்லு சபா 'பல்லவன்'

லொல்லு சபா ஸ்டைல்ல, லிட்டில் சூப்பர் ஸ்டார் சிம்பு நடிச்ச வல்லவன் படத்த அப்டீக்கா ரீமேக் பண்ணா எப்டி இருக்கும்னு ஒரு கற்பனை....

"காலைல இருந்து இந்த பல்லவன தேடிட்டு இருக்கேன். எங்க போனான். சுஜி நீ அவனப் பாத்தியா?", சந்தானம் சுஜிக்கிட்ட கேட்டான்

"இன்னக்கி சில்டரன்ஸ் டேயில்ல. அதான் தலைவர் பட்டைய கெளப்பிட்டு இருப்பாரு"

"ஓ! சில்டரன்ஸ் டேல எல்லா குழந்தைங்க கூட விளையாடிட்டு இருப்பானா?"

"அந்த மொக்க நாய், இண்டிபெண்டென்ஸ் டேயிக்கும், சில்டரன்ஸ் டேயிக்கும் வித்தியாசம் தெரியாம அலயுது. இன்னக்கும் கொடியேத்தி சாக்லேட் குடுப்பாங்களான்னு காலைலயே குளிக்காம கெளம்பிடிச்சி"

அப்டீயே கேமராவ ஸ்கூலாண்ட சுத்துனா...

பசங்களுக்கு வச்சிருந்த சாக்லெட்ட சுட்டு, வசமா மாட்டிக்கிட்டு, 'போடு ஆட்டம் போடு' அப்டீன்னு பேக்ரவுண்ட்ல பாட்டப் போட்டு, ஸ்கூல் வாத்தியார்களும், வாட்ச்மேனும் பல்லவன மொத்திட்டு இருக்காங்க.

அடி வாங்கிட்டு, தன்னோட சகாக்களோடு வந்து சேர்ந்திருறாரு நம்ம ஹீரோ.

"வாடா பல்லா. யாருடா உனக்கு அந்த பேரு வச்சாங்க?"

"எங்க ஆத்தாதான். எங்க ஆத்தா பல்லவன் பஸ்ல போய்கிட்டு இருக்கும்போதே நான் பொறந்ததனால எனக்கு அந்த பேரு வச்சிட்டாங்க"

"இப்டி சொல்லிதான்டா ஒருத்தன் உள்ள வந்தான். இப்ப அவங்கப்பனுக்கே அஸிஸ்டெண்ட் ஆயிட்டான். சரி மச்சான், மந்திரா பேடில இருந்து ஸானியா மிர்ஸா வரைக்கும் ட்ரை பண்ணினியே, ஏன் டா ஒருத்திக் கூட உன்ன திரும்பிப் பாக்கல", சந்தானம் பல்லவன் வாய கிழறினான்.

"மச்சான். பாக்குறப் பொண்ணுங்கள எல்லாம் நம்ம லவ் பண்ண முடியாதுடா. ஊருல எத்தன் பொண்ணுங்க இருக்காங்க. ஒரு பொண்ணப் பாத்தா, செருப்பால அடிக்கிறவ மாதிரி இருக்கும். இன்னொரு பொண்ணப் பாத்தா, படுத்து கெடக்கும்போது அம்மி கல்ல எடுத்து நடுமண்டைல நச்சுனு போடுறவ மாதிரி இருக்கும். ஆனா ஏதோ ஒரு பொண்ணப் பாத்தவுடனே மட்டும், அவளோட அப்பன் ஞாபகம் வராம இருக்கும் பார். அப்டி ஒரு பொண்ணத்தான் லவ் பண்ணனும்."

"ஏற்கனவே பெண்கள் உரிமைன்னு பேசிட்டு இருக்காங்கடா. இதுல உன்னையும் ஒரு பொண்ணு காதலிச்சா, மனித உரிமை மீறல்னு உள்ளத் தூக்கிப் போட்டுறப் போறாங்கடா. ஆமா உனக்கு எப்டிடா இந்த சுஜி ஃப்ரெண்ட் ஆனா"

"எனக்கு யாருடா கேள் ஃப்ரேண்ட்லாம். ஒரு இமேஜுக்காக அவளுக்கு மாச சம்பளம் கொடுத்து கேள் ஃப்ரெண்ட் மாதிரி நடிக்க சொன்னேன்"

கோரஸாக சகாக்கள் எல்லாரும் அவனை துப்புகிறார்கள்.

அடுத்த நாள், பல்லவன் வேகமா அவன் நண்பர்கள்கிட்ட ஓடி வருகிறான்.

"பாத்துட்டேன். பாத்துட்டேன். நான் பாத்துட்டேன்"

"நீயும் பாத்துட்டியா. நான் கூட சரளா குளிக்கிறத ஒளிஞ்சி நின்னுப் பாத்தேன் டா. கடைசிலப் பாத்தா அது அவ புருசன்"

"அது இல்லடா"

"அவன் பிச்சக்காரன் தட்டுல திருடுனானே. அத சொல்றியா"

"அதுவும் இல்லடா. எனக்கு புடிச்சப் பொண்ண நான் பாத்துட்டேன்"

"எப்டிடா?"

"அவ கோயில்ல செருப்பு தொலஞ்சிட கூடாதுன்னு ஒரு கால் செருப்ப மட்டும் ஒரு பக்கத்துல கழட்டிப் போட்டுட்டு, இன்னொரு கால் செருப்ப அந்தப் பக்கமா போட போனாளா, உடனே அவளோட கழட்டிப் போட்ட செருப்ப சுடப் போனேன். அத அவ பாத்துட்டா. என் மேல அனுதாபப்பட்டு அவளோட இன்னொரு செருப்பையும் என் மூஞ்சில விட்டெறிஞ்சிட்டா"

"அப்புறம்"

"அப்புறம் என்ன, ரெண்டு செருப்பையும் பக்கத்து கடையில பாதி விலைக்கு வித்துட்டேன்"

"டேய். அவ விட்டெறிஞ்சது, அனுதாபத்துல இல்லடா மஞ்ச மாக்கான். நாய தொறத்துரதுக்கு கல்லவிட்டு எறியிர மாதிரி உன்ன தொறத்துறதுக்கு செருப்ப எறிஞ்சிருக்காடா என் டுபுக்கு..."

"சரி சரி. அவளுக்கு ஃபோனப் போடு", சுஜி பல்லவனை அவசரப் படுத்தினாள்.

"கீழப் போட்டா ஃபோனு உடஞ்சிறாது", வேற யாரு? மனோகர்தான்.

"டேய் டப்பாத் தலையா. ஏன் டா வலிப்பு வந்தவன் மாதிரி கைய கால ஆட்டுற. நீ ஃபோன் போடுடா பல்லா"

பல்லவனும் அவளுக்கு ஃபோனைப் போட்டான்.

"ஹலோ! ஆக்ட்யுலா நான் உங்கள லவ் பண்றேன். நான் ஸ்டைல்ல கீனு ரீவ்ஸ் மாதிரிங்க. பாக்குறதுக்கு டாம் க்ரூஸ் மாதிரி இருப்பேன்"

"எழுதி வச்சி படிக்குது பார். யாருடா இவனுக்கு இதெல்லாம் எழுதி கொடுத்தது. காசுல நூல் கட்டி ஏமாத்தி ஃபோன் பண்ணுது. இதுல இவனுக்கு இந்த ரவுசு வேறயாடா", கலாய்த்துக் கொண்டிருந்தான் சந்தானம்.

அடுத்த நாள் பல்லவன் அவனது நட்புக் கூட்டனிக்குள் ஒரு வித்தியாசமான் கெட்-அப்பில் வருகிறார்.

"டேய். நான் யாருன்னு தெரியுதா?"

"இவரு வாய்ஸ் பெரிய எஸ்.பி.பி வாய்ஸ். கழுதகூட இத விட அழகா கத்தும்டா கருவாட்டு வாயா. டாம் க்ரூஸ் மாஸ்க்க போட்டுகிட்டா அப்டியே இவரு டாம் க்ருஸ் ஆயிருவானாம். எங்க முழுசா ஏ, பீ, ஸீ, டீ சொல்லு பாப்போம்"

"இல்லடா அவள்ட டாம் க்ரூஸ், கீனு ரீவ்ஸ் அப்டி, இப்டின்னு கத விட்டுட்டேன் டா. இன்னக்கி காலைல கண்ணாடியப் பாக்கும்போது, எனக்கே சகிக்கல. அதான் இந்த மாஸ்க்"

"அப்டியே அத போட்டுட்டு அவக்கிட்ட ப்ரபோஸ் பண்ணு. தப்பி தவறி அத கழட்டிட்டேன்னு வச்சிக்கோ, ஜூல இருந்து தப்பிச்சு வந்த காண்டாமிருகம்னு பயந்து சிக்கன்குனியா வந்திரப் போகுது அந்த பொண்ணுக்கு"

"டேய்! நீ கோவில்பட்டி வீரலட்சுமிய கல்யாணம் பண்ணிக்கிட்டு சீவலப்பேரி பாண்டியாகனும்னு பாக்குற. நான் சீவலப்பேரி பாண்டியாகி, கோவில்பட்டி வீரலட்சுமிய கல்யாணம் பண்ணுவேன்"

"நீ சீவலப்பேரி பாண்டியாயிட்டீனா, அப்புறம் வீரலட்சுமி உன் பொண்ணாயிருவாளடா. அப்புறம் எப்படி நீ அவள கல்யாணம் பண்ணிப்ப", மறுபடியும் நம்ம மனோகர்.

"டேய். ஏன் டா பஞ்ச் டையலாக் விடனும்னு, மனுசன பஞ்சரா ஆக்குறீங்க. அப்புறம் நான் உன்ன பஞ்ச் பண்ணிறுவேன்", சந்தானம் பல்லவனை ரெண்டு மூனு குத்து குத்தினான்.

'காதல் வந்திருச்சி... ஆசையில் ஓடி வந்தேன்', பாட்டுல அப்படியே ஹீரோயினிய மயக்கிடுறார் நம்ம ஹீரோ. அப்புறம் ஒரு நாள் மாஸ்க் இல்லாம போய் நிக்கிறாரு நம்ம ஹீரோ.

"அடப் பாவி! டாம் க்ரூஸ் மாஸ்க போட்டுக்கிட்டு என்ன ஏமாத்திட்டியேடா?"

"ஆமா.. உன் மூஞ்சிக்கு நானே அதிகம்."

"சரி அத்த வுடு. நான் கூட ஆஞ்சலினா ஜூலி மாஸ்க்கத்தான் போட்டுக்கிட்டு இருந்தேன்"

"என்னது ஆஞ்சநேயர் பக்தையா?", பல்லவன் சொல்லிக்கொண்டிருக்கும்போதே அவள் தனது மாஸ்க்கை கழட்டினாள்.

"அடிப்பாவி நீ ரோட்டோரத்துல மோர் விக்கிற கருப்பாயிதானே?"

"நீயும் ஏமாத்துன.. நானும் ஏமாத்தினேன். என்ன உட்டா உனக்கு பொண்ணே கெடக்காது. என்ன சொல்ற?"

அப்புறம் அப்டி இப்டி அவுங்களும் லவ் பண்ணி கொஞ்ச நாள் ஓடியது. அப்போது ஒரு நாள் மழையில ஹீரோவும் ஹீரோயினியும் மழையில 'லூசுப் பெண்ணே'னு டூயட் பாடும்போது, ஹீரோவோட தலையில இருந்த விக் காத்துல பறந்துபோக பதறிப்போனாள் நம்ம ஹீரோயினி.

"டேய்! ஏன் டா என்னோட பெரியவன்னு நீ சொல்லவே இல்ல"

"பெரியவன்னு சொல்லிட்டு ஏம்மா 'டேய்' போட்டு பேசுற", மனோகர்தான்.

"வாய மூடுடா பொறம்போக்கு"

"என்ன கருப்ஸ். எல்லாருமே வயசுல பெரிய ஆம்பளங்களத்தானே கல்யாணம் பண்ணிக்கிறாங்க"

"டேய்.. அது இருபத்தஞ்சி வயசுல. நீ ரிட்யர்ட் ஆகி ஆறு வருசம் மாதிரி இருக்குற. உனக்கு காதல் கேக்குதா. போடா கெழ போல்டு"

"அப்டி பாத்தா ஜெமினி கணேசன் கூடத்தான் எம்பது வயசுல கல்யாணம் பண்ணினாரு"

"டேய்.. அவர்ட்ட டப்பு இருந்திச்சு பண்ணினாரு. கல்யாண வீட்டுல நாதஸ்வரத்த வச்சி ஊதுனாலே ஒடஞ்சி போற நாயி நீ. உனக்கு கல்யாணம் கேக்குதாடா?"

நம்ம ஹிரோயினி எஸ்கேப். அப்டியே ஹீரோ அப்ஸட். கனவுல கருப்பாயிகூடவும், முப்பது வருசத்துக்கு முன்னாடி கடல உருண்ட வாங்கி கேட்டு பல்லவன கொடுமப் படுத்துன கொண்டமூக்கியோடவும் நம்ம ஹீரோ, 'ய்ம்மாடி.. ஆத்தாடி..' அப்டீனு ஒரு ஸாங்கு. அத்தோட முடியுது லொல்லு சபா.